Մոռացեք կուսակցական պլատֆորմները, խարիզմատիկ հռետորներին ու ընտրակաշառքները: Մայիսի 12-ի ընտրությունների պայքարի թեժացման պամաններում քարոզարշավի երկու առաջատարները` կառավարող Հայաստանի Հանրապետական կուսակցությունն ու իշխանամետ “Բարգավաճ Հայաստանը” պայքայի միջոց են ընտրել երաժշությունը:

Երկու կուսակցությունները լարված պայքար են մղում առավել սիրված երգերի համերգներ, եւ առավել հայտնի աստղերի կատարամամբ կազմակերպելու համար: Համերգները Հայաստանում գրեթե ամենօրյա երեւույթ են դարձել, ընդ որում ընդդիմադիր կուսակցությունների մինչեւ այժմ կազմակերպած համերգները բավական խղճուկ տեսք ունեին:

Լուրջ երգակռիվը սկսվեց ապրիլի 26-ին, երբ բազմաթիվ հայկական սիրված երգիչներ պաշտոնապես հայտարարեցին, որ իրենք իշխող Հանրապետական կուսակցության կողմնակիցներ են ու մտադիր են նրա ընտրարշավին նպաստ բերել իրենց համերգներով:

Դիտորդների մեծ մասի կարծիքով, [տեղական] սուպեր աստղերի մեծ մասն անցել է Հանրապետականի կողմը, իսկ “Բարգավաճ”-ը իր ընտրարշավը համեմում է սիրված ռուս երգիչներով: Ընդ որում, համերգը կարեող է լինել ցանկացած մեծության բնակավայրում: Մարտի 20-ին այս կուսակցությունը հրավիրել էր ռուս երգիչ Միխայիլ Շուֆուտինսկուն համերգ տալու ի պաշտպանություն Հայաստանի հարավ-արեւմուտքում գտնվող Արմավիր փոքր քաղաքում քաղաքապետի պաշտոնը վիճարկող իր թեկնածուի: Վերջինիս հակառակորդը Հանրապետական կուսակցության անդամ էր:

Հետաքրքրությունը բորբոքելու համար ստեղծվում է խորհրդավորության մթնոլորտ: Մայիսի 7-ին Երեւանի Օպերայի հրապարակում Հանրապետական Կուսակցության կողմից անցկացվելիք մեծ համերգի մանրամասները գաղտնի էին պահվում, ասելով, որ դա “անակնկալ է հանդիսատեսի համար”:

Մի ուրիշ գաղտնիք է այն, թե որքան է այս զվարճանքերի արժեքը: Ըստ Ընտրական օրենսգրքի, կուսակցություններն ընտրարշավի համար կարող են ծախսել միայն 60 միլիոն դրամ (մոտ 167 հազար 131 ԱՄՆ դոլար): Համաձայն Կենտրոնական Ընտրական Հանձնաժողով ներկայացված վերջին փաստաթղթերի, “Բարգավաճ Հայաստանը” ծախսել էր միայն 90 հազար 140 դոլար, Հանրապետական կուսակցությունը` 152 հազար, իսկ Հայ Հեղափոխական Դաշնակցությունը` 130 հազար: Այս երեքը ամենից հաճախ համերգներ կազմակերպողների թվում են:

Ճիշտ է, կուսակցությունները պնդում են, թե երգիչները համերգներին մասնակցում են որպես կամավորներ` ձրի: Հանրապետական կուսակցության պարագայում շատ երգիչներ ասում են, որ նրանք ելույթ են ունենում ի նշան երախտագիտության նախկինում նրանց ցուցաբերված օգնության համար, կամ էլ` հավատալով կուսակցության խոստումներին:

“Հանրապետական կուսակցությունը միշտ մեր կողքին է եղել համերգներ կազմակերպելիս, այն միշտ օգնել է մեզ այլ հարցերում, այնպես որ սա կուսակցությանը մեր երախտագիտությունը հայտնելու ամենահասարակ ձեւն է”, ասաց Շուշան Պետրոսյանը` թերեւս Հայաստանի առավել հայտնի երգչուհին:

Սակայն ոչ բոլոր արտիստներն են այս կարծիքին: Երգիչներից մեկը, որը խնդրեց իր անունը չհրապարակել, EurasiaNet-ին ասաց, որ կուսակցությունները վճարում են բոլոր երգիչներին, այսպիսով ընտրարշավը դարձնելով նրանց համար փող վաստակելու լավ առիթ: Նա ասաց, որ “շատ հայտնի” երգիչները մի ելույթի համար կարող են ստանալ 500-ից միչնեւ 1000 դոլար, “միջակները”` ավելի քիչ` 200-500 դոլար:

“Գները սովորականից բարձր են, քանի որ կուսակցությունները մրցակցում են որ երգիչները չերգեն իրենց հակառակորդների համար”, ասաց նա: “Այնպես որ հասույթները սովորականից երեք անգամ ավելի են, եւ երգիչներն էլ կարող են ընտրել թե որ առաջարկն է ավելի շահավետ”: Նա ավելացրեց, որ ռուս երգիչների գները “բոլորովին այլ են` չորս կամ հինգ զրոներով”:

Մի հայտնի հայ շոու-բիզնեսի պրոդյուսեր, որը խնդրեց իր անունը գաղտնի պահել, գտնում է, որ ռուս երգիչներին նախընտրական համերգներին բերելը նստում է առնվազն 200-300 հազար դոլար: Նա հայտնեց, որ ռուսաստանյան աստղ Իրինա Ալեգրովան մի անգամ մի նախընտրական համերգի համար պահանջեց 100 հազար դոլար, այն էլ զեղչ էր արել, քանի որ ուներ հայ նախնիներ:

Սակայն “Բարգավաճ Հայաստանի” խոսնակ Բաղդասար Մհերյանը EurasiaNet-ին հայտնեց, որ իր կուսակցությունը մտադրություն չունի մեծ գումարներ ծախսել ռուս աստղերի մասնակցութամբ համերգների վրա: “Նրանցից գրեթե բոլորը ճանաչում են [կուսակցության առաջնորդ] Գագիկ Ծառուկյանին ու ելությ են ունենում նրա համար անվճար”:

Այնուհանդերձ, կան ինքնարժեքի տարրեր, որոնք ամենեւին ձրի չեն: “Ֆորտ Մյուզիք Սենթեր” կենտրոնի տնօրեն Տիգրան Արշակյանը, որը զբաղվում է երաժշտական սարքավորման վաճառքով ու վարձույթով, հայտենց որ մի բացօթյա համերգի համար սարքավորման վարձը կազմում է, կախված տեղից, 1000-ից մինչեւ 2500 դոլար:

Հայ հայտնի երգիչ-երգահաններից մեկը չի թաքցնում, որ ինքն իր աշխատանքի դիմաց վարձատրություն է ակնկալում: Ռուբեն Հախվերդյանը, որը հայտնի է կառավարության հանդեպ քննադատական դիրքորոշմամբ, մի երգ է գրել կառավարական կոալիցիայի անդամ Հայ Հեղափոխական Դաշնակցության համար: Ինչպես մայիսի 3-ին նա ասաց լրագրողներին, դա արել է, ելնելով իր համակրանքից դեպի այդ կուսակցության 117-ամյա “պայքարը` նվիրված մարդկանց կյանքը փոխելուն”: “Ես ամեն ինչ կանեմ որ գոնե 3000 դոլար ստանամ այս երգի համար”, ասաց նա:

Հախվերդյանը քննադատեց այն երգիչներին, որոնք, իր խոսքով, առաջ քննադատում էին կառավարությանը, իսկ հիմա հանձն են առել աջակցել Հանրապետական կուսակցությանը: “Ինձ համար դա անընդունելի է”, ասաց նա:

Որոշ երգիչներ հաճույքով երգում են ցանկացած կուսակցության համար: Ապրիլին Հայ Հեղափոխական Դաշնակցությունը մի մեծ համերգ կազմակերպեց երգահան ու երգիչ Արտո Թունջբոյաջյանի ու նրա էթնո-ջազ ոճի Արմենիան Նեվի Բենդ խմբի մասնակցությամբ: Դրանից մի շաբաթ առաջ Թունջբոյաջյանն ու իր խումբը երգում էին “Ժառանգություն” ընդդիմադիր կուսակցության համար:

Ընդդիմադիր կուսակցություններ, որոնց միջոցներն ավելի սուղ են, ընդհանուր առմամբ ավելի քիչ են համերգներ անցկացնում, թեեւ Հայաստանի Ժողովրդական կուսակցությունը մայիսի 7-ին մի համերգ կազմակերպեց Երեւանի կենտրոնում: Մինչդեռ ընդդիմության շատ անդամներ արհամարհական են վերաբերում այդ գործունեությանը:

“Ի՞նչ քաղաքական պայքար կա այդտեղ: Մենք պե՞տք տարբեվենք Եվրատեսիլից”, ասաց Հայոց Համազգային շարժման անդամ Արամ Մանուկյանը. դա նախկին կառավարող կուսակցությունն է, որը ավլի ուշ դուրս եկավ ընտրապայքայից: “Երգեըը վերածվել են քաղաքական իրադարձությունների”:

Նախընտրական համերգները վերջին հաշվով կարող են վնաս բերել նույնիսկ առավել հաջողակ կազմակերպիչներին: Այս կարծիքն ունի “Անտարես” գովազդային ու հանրային կապերի մասնագիտացված ընկերության տնօրեն Քրիստին Հովհաննիսյանը: “Մարդիկ կարող են կլանվել համերգով ու լիովին մոռանալ թե որ կուսակցության համար էր այն կազմակերպված”, ասաց նա:

Խմբագրի կողմից. Գայանե Աբրահամյանը ArmeniaNow անկախ առցանց շաբաթաթերթի լրագրող է Երեւանում։